Ruto says 7B lost in EMC dams project

Thursday, February 28, 2019 – Kakoesho Deputy President William Ruto logoiwek chekokotestai koletagei kole kikobetyo rabinik cheitei silingishek Billion 21 cheki tetat kepoishe eng teksetab damishek 2 che tetat keteech eng Elgeiyo Marakwet

Kamwa Ruto kole chigilishet netesetai eng inguni ko kotinygei ak silingishek Billion 7 ama silingishek Billion 21 kou ole kokotestai kemwa eng ketesioshek chebo letaetab logoiwek ole kaiyomis kole mobetos rabinichatak amu wendi serkalikoibei kokwoutik chemokotin koker kole kakinyor rabinichatak

Kongololi eng igorta nebo komongunetab report neiboru kotinygei ak poishonikab kapkirwok nekakiyai eng kapkirwok neo nebo Supreme Court, komwa Ruto kole mo nyolu keleta logoiwek chebo lembech kotinygei ak teksetab damishechatak bo Kimwarer eng Keiyo South ak Arror eng Marakwet West

Eng kasaratak kosom Ruto bunge nebo emoni kokochi serkali kasarta nebo kotestai ak tetutyet nemochei kikochi kompunitab Kenya Airways konom kipakengeit netononchini kiwanjoshekab ndegeishek nebo Kenya Airports Authority eng mwaet kole logoiwek chekokotestai komwa alake eng MPs kotinygei ak tetutionotok komotindoi imanda age tugul

Kamitei igoratak President Uhuru Kenyatta ne kaikoito kurset eng kapkirwok kole kaib kebebertanyi eng boryet nekitokchini nametab asoya ak koiityi komonut mogutik chebo bikab emet