Stand-off over NIIMS project

Thursday, February 28, 2019 – Kakotil Bunge nebo Senate kole kitonon tetutyet nebo siretab bik ne naat kou National Integrated Information Management Systems akoi koitita Minister nebo ribetab kalyet Dr. Fred Matiangi ak Minister nebo ICT Joe Mucheru taitab Committee nebo ribetab kalyet eng bunge

inotok Senate asikowol tebutik chekokotestai kobit kotinygei ak tetutionotok

Kabit nito kosupgei ak nemaitita taitab committee inotok eng betutab rani Matiangi ak Mucheru kou olekotetat ole kait kotil committee inotok kole kitonon tetutionotok akoi kewol tebutik tugul

Kaibor kaimetabgei membaekab committee inotok eng mwaet kole toku komoiityini komonut Matiangi poishonikab bunge inotok amu kaiyokto Chief Administrative Secretary nebo Interior Patric Ntutu nekatawendi inendet

Kates komwa membaechatak kole logoiwek chemochei koyum serkali kobun bikab emet kobo komonut missing ako ma nyolu kengangda ak kou notok ko nyolu kitonon tetutionotok akoi keityi koshinet nebo kipakenge.

Kosupgei ak notok, ko kakikuur tuiyet age eng tarik 11 nebo arawetab 3 kenyini ole kakikuur Matiangi, Mucheru ak ogilyot neo nebo serkali anan Attorney General Paul Kihara Kariuki