Raila vs Ruto in war on graft

Friday, March 1, 2019 – Kakomwa kandoindet nebo chamaitab ODM Raila Odinga kole monyol ngalalet nekomwa Deputy President William Ruto kole rabinik chekibetyo eng teksetab damishek 2 chemitei county nebo Elgeyo Marakwet ko silingishek Billion 7 ama silingishek Billion 21 kou ole kokotestai kemwa eng ketesioshek chebo letaetab logoiwek

Kamwa Raila kole rabinik alak tugul chekakichor anan kepoishee eng ortinwek chematokunotin kobo emoni ak kou notok komaiyanat logoiwek chekomwa Ruto kole silingishek Billion 7 ichegei chekibetyo.

Kongololi eng komasta nebo Karen eng tuiyet nebo chamaitab ODM, ko kamwa Raila kole mo nyolu keteshi bolotet boryet nekitokchini youtik chebo nametab asoya ak chorsetab rabinik eng serkali eng mwaet kole tokchinigei borionotok kandoik anan ko bik chekichor rabinikab serkali kobate matokchinigei bororiet age tugul

Kates komwa Raila kole rabinik chechang chesomei emetab Kenya kobun emotinwekab sang kechorei ak kou notok kotesetai koliboni emoni besendo neo nebo rabinik chemakipoishee eng tetutik alak tugul chebo bandaptai