Devolution conference kicks off in Kirinyaga.

Tougei eng raini tuiyetab kila kenyit neitutos serkalisiekab counties chebo emoni anan Devolution conference.

Devolution conference inoto bo 6 keyoe eng county nebo Kirinyaga ak tetat kotestai agoi kasitab mut wikini.

Poisien serkalisiekab counties tuiyonoto asikokusyi kong kokwoutik chekikemuch keityi eng tetutietab devolution koboto kanogutik chemitei eng kasuldaetab tetutionoto.

Alak eng kandoik chekimongu koitita ak kokoito ngalalet eng devolution conference inoto koboto President Uhuru Kenyatta, Deputy President

William Ruto Ak nebo ngecheret eng kipagengeitab Council of Governors Wycliffe Oparanya.

Alake ng tuguk chetetat kengalalen eng tuiyonoto koboto yaetab mungaret missing ko chobetab tuguk eng emoni netokyingei konyorunen keljin eng ole o biikab emoni tuguk chekichobe eng emoni eng nebo ketes koitetab biik chekisirei eng poisionik koitei kenyitab 2022.

Tetat kora kotiny tuiyonoto toloiwek 4 chemochei serkalitab president Kenyatta kosuldaen koitei kenyitab 2022.