Government declares Aviation workers strike illegal

Wednesday March 6, 2019 – Kakomwa Minister nebo loiset James Macharia kole manomegei ak ngatutik kakwoutiet nekaib kiboitinik chebo kipagengeitab Kenya Airports Authority (KAA).

Kamwa Macharia kole kiistoi poishet kiboitinikchoto kaingelelchi poishet eng mwaet kole maiyoni serkali kowech Uchumi nebo emoni kobun kangelelchinetab poishet.

Kongololchini siriikab logoiywek eng kiwanjetab JKIA,komwa Macharia kole kakonai serkali biik chekaibee kiboitinikchoto kongelelchi poishet ole tetat keipchi kakwoutik chekimen.

Kamwa Macharia kole taugei eng kasarta nenuach nemitei tai panwekab ndegeishek eng kiwanjanatak bo JKIA chekaiimokis kosupkei ak strike inoto.

Kaibor kaimetabgei Macharia kotinygei ak tetutikab komonut chekawechokis eng kiwanjanatak kosupkei ak strike inoto kit nekamwa kole maiyanat.

Kaingelelchi poishet kiboitinikchoto konerekchin kakwoutiet nemochei kampunitab Kenya Airways (KQ) konom telelchinetab kiwanjetab JKIA ole kosupkei ak icheget kotomo ketesta icheget tetutik alak tugul chebo kewal telelchinetab kiwanjetab JKIA.