China orders local airlines to ground Boeing 737 MAX 8

Monday, March 11, 2019

Kakotonon kompunishek chechang chebo rutoiwek ndegeishek tugul chekergei ak ndegeit nekonyor nyosutyet eng emetab Ethiopia eng betutab omut

Alak eng emotinwek chekakotonon poishetab ndegeishechotok nootin kou Boeing 737 MAX ko emetab Ethiopia ak China nekakongat kompunishek tugul chebo rutoiwekab ndegeishek chepoishei eng emotinwechotok koker kole matestai kopoishee ndegeishechotok akoi kowongei chigilishet netesetai

Kaibarasta serkalitab China kole kosupgei ak nyosutik 2 chekergei chekikoityi ndegeishechotok bo Boeing 737 MAX eng kasarta nebo arawek 5 chekikosirto, ko nyolu keyai chigilishet nebo barak asikenai angot kotinyei koimutik alak tugul ndegeishechotok

Eng asrawetab 10 eng kenyit konyei, ko kibitz nyosutyet age neu notok eng emetab Indonesia ole kimilgei ndegeitab Lion Air eng komasta nebo Jakarta ole kibar bik tugul 189 chekimitei ndegeinotok orit

Eng kasaratak ko kakoyokto kompunitab Boeing nechobei ndegeishechotok koba komasta nekobitune nyosutionotok asikondochi chigilishet eng kipakenge ak ofisaek chebo emetab Ethiopia

Kaiyokto logoiyotab mutyo kompuninotok bo Boeing koityi bik tugul chekoibet chamanikwai eng nyoautionotok ole kamwa kole wendi kopoishei eng kipakenge kipakengeishek chetononchini rutoiwekab ndegeishek chebo Ethiopia Accident Investigation Bureau ak U.S. National Transportation Safety Board asikenai kit nekoipchi komilgei ndegeinotok.