Plans underway for Kenyan families to fly to Addis after crash

Tuesday March 12, 2019 – Tesetai tetutik chebo kimut chamanikab biik 32 kobun emoni chekoibet sobonwekwai eng nyasutietab ndegeit nekobit eng betutab Jumapili koba emetab Ethiopia asi kotoret konyiit borwekab chamanikwai.

Kamwa Minister nebo loiset James Macharia kole borchinigei serkali koitchi familia 7 chetomo kenyor ole kokoitchi serkali familia chebo biik 25 eng biik 32 chekoibet sobonwekwai eng nyasutionoto kobit yekongororok ndegeitab Ethiopian Airlines akobar biik tugul 157 chekomieti orit.

Kamwa ofisaiyat netelelchini kampunitab Ethiopian Airlines eng emoni Yilma Goshu Gobena kole chobot kampuninoto komut membaekab familia ichoto koba taonitab Addis Ababa asi konyiit borwekchoto.

Kabit nito eng kasarta netesetai chikilishet eng mashinishek chekonori logoiywek chebo ndegeit nenaat missing ko Black Box eng tokchinetab kenai kit nekoipchi ndegeinatak kororok.