Itare Dam visit

Friday March 22, 2019 – Karutechi Committee nebo itonwekab emet eng National Assembly silangetab beek nebo Itare Dam eng County nebo Nakuru asi kochigil ole kokoit teksetab silanganatak.

Kayai rutoiyoto Committee inoto eng kasarta netesetai kobitu terchinet kotinygei ak teksetab silangoshek cheterter chebo beek eng emet ole mwaat kole kikoityi asoya teksetab silangoshekchoto.

Kamwa nebo ngecheret eng Committee inoto Kareki Mbiuki kole kit nemochei konai icheget kou Committee ko angotkonyoru kelchin biikab emet kobun Projects cheterter chetesetai kosuldoen serkali eng komaswek cheterter chebo emet.

Kamwa Mbiuki kole bendi korutechini silangoshek tugul chekitechei eng emet asi kochigil ole kikoit teksetab silangoshekchoto akoib kakwoutik chemokotin.

Kosupkei ak Mbiuki,kobendi korutechini kora silangoshek alak chekikiwong teksengwai cheboto Chemususu Dam eng Eldama/Ravine asi kogeer kelchinet nekikoib eng biikab emet.