Court to rule on NIIMS

Monday April 1, 2019 – Tetat kokon tilet eng raini kapkirwok nebo High Court akot kitelelsie anan tesetai tetutiet nebo siretab biikab emet eng tetutiet nenaat ko National Intergrated Identity Management System(NIIMS) netetat kikochi biikab emet namba ne naat ko Huduma Namba

Bendi kokonu tilanata kirwokik 3 choto ko Justices Weldon Korir, Pauline Nyamweya ak Mumbi Ngugi eng kirwoket nekiikoito kipagengeisiek cheterter cheborchingei imandab kipkosobei cheboto Kenya Human Rights Commission (KHRC), Nubian Rights Forum, ak Kenya National Commission on Human Rights (KNHCR)

Kosupgei ak kipagengeisiekchoto ko maiyanat ngalalet kobun serkali kole manyoru chi agetukul netomo kosirgei eng tetutionoto poisionik chebo komonut eng serkali eng mwaet kole manomegei not oak imandab biikab emet.

Bitu nito eng kasarta netetat kotoigei eng betutab karon kasitab aeng tetutiet nebo siretab biik eng emet komugul.

Akot ko maiteleel kapkirwok tetutionoto kowendi kolumdoi president Kenyatta tetutionoto eng komosta nebo Mwala eng county nebo Machakos.

Wendi kotesetai tetutionoto bo siretab biik eng kasarta nebo betusiek 45 ole kokonyor kirwokik ak rubeywekwak eng emet komogul konetisiet nebo siretab biik.

Eng wikit nekosirtoi ko kimach committee nebo senate eng bunge kiteleel tetutionoto eng mwaet kole tomo koaror komie minister nebo ribsetab kaleyt eng emet orit tetutionoto.

Akot kou noto ko koikimit Matiang’i kole tesetai tetutionoto.