ODM MPs wants corrupt CSs sacked

Sunday March 31, 2019 – Kakokoito kurset alak eng kandoikab chamaitab ODM eng president Uhuru Kenyatta koisto eng poisiet cabinet secretaries chekokemwaitaen youtik chebo nametab asoya.

Kamwa kandoikchoto kaboto senator nebi Siaya James Orengo ak MP nebo Suba John Mbadi kole nyolu keisto ministaekchoto kokemwaitaen asoya eng mwaet kole ankot komakiisto ichek komuch kopoisien bunge koisto ministaekchoto.

Kangololi kandoikchoto eng komostab bunge nebo Ugenya eng Siaya eng kampein chebo lewenisiet nemingin nebo ngecheretab Mp netetat keyai eng kasitab mut wikini.

Eng kasarata ko kaikimit kandoikab ODM magetab koisto DP William Ruto eng ngecheret.

Kamwa sirindet ne o nebo chamaitab ODM Edwin Sifuna nekangololi eng tuiyetab polatet nebo ODM eng Embakasi kole bendi koyae kiy agetukul koker kole kakiisto Ruto kepoisien bunge.