Operations Restored At Jomo Kenyatta International Airport

Kobit maat eng komasta nebo chute ak kochutune kiprutonoik kolany ndengeit Terminal T1C eng kiwanjetab Jomo Kenyatta Airport, JKIA lagat kemboi sait mut.

Kosupgei ak logoiyot kobun kibakeengeit ne telelechin kiwanjosiekab ndegeisiek eng emoni Kenya Airports Authority, KAA ko koyach keger kebeberata kobate eng nguni kokakonaam boisionik ko u kotugul eng kiwanjonoto bo JKIA.

Kamwa logoiyondonoto mitei twitter ak facebook nebo KAA kole kobit maata kosupgei ak akeenge eng mashinisiek che kiboisie ne kayait ak kottyarta maat.

Agot ko u noto ko mamichi ne kanyor kakotono ole kokiuto ofisaek ak bosionikab kebeberta ketokyi kebeberta nebo Terminal 1B T1B.

Kawekyi kongoo KAA kiprutoinik ak biik tugul che boisie kebeberta eng muitaet akoi kowekgei boisionik ko u kotugul eng JKIA.

Kora ko kamwa kole kanyor toret komie kobun ministry nebo loiset ak ribiikab kalyet che kotoret kot kebar maata.