State of the Nation Address

Kanyei biikab emeet kot tugetab President Uhuru Kenyatta kong’ete bunge ne boroindo ne igochin Katiba kong’ololiji biikab emeet kong’ete bunge eng tuiyet ne itutos goriik tuai chebo bunge- senate ak National Assembly.

Kanga’laletab rani ko nebo oeng eng taminyi bo oeng.

Kakang’etab president eng biikab emoni ko eng tuguk oeng che echeen borietab asoya ak polotet ne kokotestai ne rusei missing DP DR William Ruto ak kandoindetab ODM Raila Odinga; polotet ne ko koib ng’alalet ne o ak muset kele imuch koib kanokutiet ne o eng boisionik che tege kanenyi President Kenyatta ye choboksei komuny.

Chang tuguk kora che konye biikab emeet kokas teleletab President, tuguk cheboto kaimutietab rubet ak rerunetab boisionik eng neranik, tuguk che alak ko kikonender kachuul.

Epei it biikaab emeet kora asikokas angot koib telelet president rani nebo kowal ministaekyik, walet ne kikemusmus eng kasarta ne koi ak kit ne kokemwaetai minister alak ak kemus kele tinyegei aka soya.

Kora ko mi kaimutietab besendab emeet ne kikotesai kwo barak.

Agot ko u noto ko tugul ko kabwatet ak magetab biik kobate chebo president ko che kokesir ak cheta kesirei eng kakwoutikab let angot ko mukaksei amatelel eng bunge sait sisit eng Bunge kokebata tyendap taget nebo asikarikab luget eng sang nebo bunge.

Eng kenyitab 2015 eng ng’alalet ne u nebo rani ko kiiteleel president Uhuru Kenyatta minstaek mut ak ofisaek alak chebo serkali 170 che eng let kokiit konerekyi ine segeikab emoni kole king’al ine kole tinye asoya bichoto ak eng let ko mabiit boarnatet kiruogyi ichek.