Court dismisses govt appeal on 2/3 gender rule

Friday April 5, 2019 – Kakowirta kapkirwok nebo court of appeal , appeal nebo serkali netinyegei ak ngatutiet nebo two thirds Gender rule eng mwaet kole maititaat appeal inoto

Eng tiletnywan ko kamwa kirwokikab kapkirwokinoto kole maititaat appeal inoto kosupgei ak netomo kongalalelen anan kosiirto bunge nebo emoni billitnoto tinyegei ak kerkeindab kwonyik ak murenik eng kandoinatet.

Kiikoito serkali appeal inoto eng kapkirwok kosupgei ak tiletab kirwokindet John Mativo nebo kapkirwok nebo High Court nekimwa kole kibut bunge nebo emoni ngatutiet kosupgei ak maisiirto bunge billitnoto koitei kenyitab 2015 koboto nekikitesyi kora kasarta agoi kenyitab 2016.

Kiikoito petition inoto kipagengeit neborchingei imandab kipkosobei noto ko Kenya National Commission on Human Rights (KNCHR).

Kikotemenen bunge nebo emoni kosiirto billitnoto konyil 3 kosupgei ak nemanyoru bunge koitetab Mps chemogotin asikisiirto billitnoto ole magat Mps cheitei 233 kopirji kura billitnoto