New IG, Hillary Mutyambai sworn in

Monday April 8, 2019 – Kakoyomis Inspector General neleel nebo police Hillary Nzioki Mutyambai kole wendi koboryen youtik chebo nametab asoya eng kipagengeitab police neiboru chikilisiosiek kole agenge eng kebeberwek chebo serkali chemitei barak nametab asoya.

Kamwa Mutyambai nekangololi kasarta nenwach kongeten kimurto koik Inspector General nebo police eng igorto nekabauryonji Chief Justice David Maraga kole wendi kora koboryen youtikchebo ngemetab kalyet chekitesetai kebauryonjin eng emet cheboto chorsetab kiyagik ak youtik chebo chelesosnatet.

Kaib poroinoto Mutyamabai konomu Joseph Boinnet ole wendi ine kopoisi eng kasarta nebo kenyisiek 4 chemitei tai.

Kasarta komwa ine kole wendi kong’alalchindos ak kibakeengeitab melekwek anan Salaries and remuneration Commission, SRC kotinyge ak rabisiekab goriik anan House allowance chebo ofisaekab police.