Raila meets Rift Valley leaders

Monday April 8, 2019 – Kayai tuiyet eng raini kandoindetab chamaitab ODM Raila Odinga ak alak eng kandoik kobun Rift Valley eng ofisitab Raila nemitei eng Capital Hill Nairobi.

Kangalalen kandoikchtoo tuguk cheterter cheboto kabotisiet,tetutiet nebo Building Bridges Initiative, kemeut nekitesetai kebauryionjin eng kebeberwek cheterter chebo Rift Valley ak dams chemwaat kele kikichor rabisiek chebo teksosiegwak.

Kaposien kasarata Raila Odinga kongalalen lewenisiet nebo Ugenya ak Embakasi South ole kokibel chamaitab ODM eng nekamwa Raila kole maiboru noto kole makotindoi kimnotet chamatab ODM.

Alak eng kandoik chekamitei eng tuiyonoto koboto sirindet ne o nebo KANU Nick Salat,Mp nekikitoror Wilson Sossion, neki MP nebo Eldama Ravine Musa Sirma, neki Mp nebo Bureti Paul Sang eng kwenutab alak chekamwa kole mabo iman ngalalet kobun alak eng kandoik kole koketokyi boryetab asoya kandoik chebo pororietab Kalenjin.