I declined Raila’s approach 4 times, DP Ruto

Wednesday April 10, 2019 – Katestai kokimit Deputy President William Ruto kole tindoi tokyinet age namobo katuiyetab biikab emoni kandoindetab chamaitab ODM Raila Odinga eng kakotyet nekiikatgei ak president Uhuru Kenyatta eng arawetab 9 kenyit nekosirtoi.

Kongololjin ketesiet agenge nebo Television eng langatutab amut kongong Ruto kole kityem Raila Odinga koityi Ruto konyil angwan kokaibata lewenisietab kenyitab 2017 asikoyai ngalalet kotomo kokatgei ine ak president Kenyatta.

Akot kou noto ko komwa Ruto kole kiesio ine kokwoutionoto bo Raila Odinga kosupgei ak nekimakotingen kayanet magetab Raila eng kokwoutionoto.

Akot kou noto komwa Ruto kole kakotyonoto kiikatgei Raila Odinga ak president Kenyatta ko kikotoret eng ole o serkali kosuldaen tetutik cheterter chebo bandaptai amo koimut agetukul.

Kotinygei ak boryet netesetai nebo nametab asoya komwa Ruto kole tingen kayanet kipagengeisiekab chikilisiet nebo kosuldaen chikilisiosiek kobaten manyolu ketesta polatet boryonoto boa soya eng mwaet kole teleljingei kipagengeisiekchoto bo chikilisiet.

Akot kou noto ko kamwa Ruto kole motere ine ngalalet agetukul netinyegei ak ibetab asoya eng magenyin nebo kobelchigei ngecheretab president eng kenyitab 2022.