KMPDU calls for release of abducted Cuban Doctors

Friday, April 12, 2019 – Kakokoito kurset eng serkali kipakengeitab konyoik nebo Kenya Medical Practitioners and Dentists Union koker kole kakicheng ak kenyor konyoik 2 chebo emetab Cuba chekanam bik chekipwotyini kele chelesoshek chebo kipakengeitab Alshabaab eng county nebo Mandera

Kamwa sirindet neo eng kipakengeinatak bo KMPDU Dr. Ouma Oluga kole iimchinigei missing youtionotok kabit eng karonetab rani ole kakibokchi karit nekabunei konyoichotok ak kebar ofisaiyat 1 nebo police kotomo kimut konyoichotok ketokchi emetab Somalia

Kamwa Ouma eng logoiyot nekakiyokchi korikab kabarastaet kole konyoik ko bik chetoreti bikab emet ak kou notok koma nyolu kibokchi icheget eng kasarta nekabit terchinoshek ole kasom chelesoshek chekatinygei ak youtionotok kometo konyoichotok amu motindoi lelut age tugul.

Kabit nito eng kasarta ne kamwa police kole kakotoi chigilishet netokchinigei kecheng konyoichotok kopoishei eng sipitalitab Madera County Referral Hospital.

Kamwa ng’ololindetab police Charles Owino kole kakibokchi konyoichotok eng kasarta nekabendi poishet eng karonetab rani ole kabunei karishek chebo serkalitab county nebo Mandera

Konyoichotok kakinam ko alak eng konyoik 100 chebo emetab Cuba chekikimut kobwa emoni asikotoret eng tetutik chebo konyoiset eng sipitalishek cheterter chebo county