General Mwathethe’s term as CDF extended by one year

Tuesday, May 07, 2019 – Tetat kotestai kondochi asikarikab luget chebo emoni General Samson Mwathethe eng kasarta nebo kenyit 1 nemitei tai kosupgei ak nekoteshi inendet kasarta President Uhuru Kenyatta

Kosupgei ak logoiyot kobun Ministry nebo Defence, ko kolewen President Kenyatta General Mwathethe kotestai koek Chief of Defence Forces akoi kenyit ne nyonei ole tetat kelewen Chief of Defence Forces age nelel

Kokakoit let kasarta nebo kandoinatetab Mwathethe eng Kenya Defence Forces ole kokikonyi kolewen President Kenyatta CDF age nelel

Eng walet nekokibarasta eng koskolingutab omut, ko kokitoror Major General Adan Kancharo koek Lieutenant General ak kelewen koek Commandant nebo National Defence College.

Kokitoror kora Brigadier Joseph Kivunzi koek Major General ak kelewen koek General Officer Commanding Western Command.

Koitoror kora President Kenyatta Brigadier Jonah Mwangi koek Major General ak kolewen inendet koek Assistant Chief of Defence Forces Operations, Doctrine and Training.

Eng komastanyi, ko kokitoror Brigadier Albert Kiprop koek Major General ak kelewen koek Commandant nebo Kenya Military Academy.

Ofisaek alak chebo KDF chekokilewen ko Brigadier George Nganga nekokitoror koek Major General ak kelewen koek Director of Medical Services.