Beef up security in Forole: leaders

Wednesday May 8, 2019 – Kakomongei alake eng kandoik kobun County nebo Marsabit akokoito kurset eng serkali kokanapta ripsetab kalyet eng komasta nebo Forore kosupkei ak kabokchinoshek chekokoipchi biik 11 kobet sobonwekwai.

Kamwa kandoikchoto maiyanat kotestai kabetetab sobonwek ak kou noto konyalu eng serkali koib kakwoutikab chokchinet kokimit ripsetab kalyet eng komasatak.

Kongololchini siriikab logoiywek eng koriikab bunge,komwa kandoikchoto kole nyalu eng serkali koyokto ribiikab kalyet chetesotin koba komasatak bo Forole asi kokanapta ripsetab kalyet.

Mwaat kele isuldoen kabokchinoshekchoto kipagengeit 1 nemaiyanat kobun emetab Ethiopia.

Kabit nito eng kasarta nemitei kamugetab keker sukulishek eng komasatak bo Forole kosupkei ak kabokchinoshekchoto.

Kabit nito eng kasarta netesetai koboru kaimentabgei mengik ak kandoik kobun komasatak bo Forole kotinygei ak kabokchinoshekchoto ole tesetai kokoitoi kurset eng serkali kokanapta ripsetab kalyet.