Cereal Growers oppose maize importation

 

Wednesday May 8, 2019 Kakomwa kipagengeitab Cereal Growers Association kole maiyanat kakwoutiet nemochei serkali kwal bandeek kobun emotinwek chebo sang asi keisto rerunet nemitei emet.

Kondochin nebo ngecheret Farnie Kruger, komwa kipagengeinatak kole maikochini kasubet tetutionoto bo serkali amu wendi kochiilei kabotik.

Kongololchini siriikab logoiywek eng taonitab Nairobi, komwa kipagengeinatak kole angotkeal bandeek chemakiyochei aisurut kobun emotinwek chebo sang, komanyoru kelchin age tugul kabotikab emoni kobun kesutikwai ak kou noto konyalu eng serkali kotonon tetutionoto.

Kotinygei ak nekoketestai kerirtae kabotik kele tomo kocham kotiakta bandeek chetinyei eng chogeshek,komwa kipagengeinatak kole maesio kabotik koalda bandeek chetinyei kobate kotil komaalda bandekwai kosupkei ak oliet nemitei ingony.

Kosupkei ak kipagengeinatak, komagat keriib kabotik asi konyorune kelchin kabotishengwai.

Kabit nito eng kasarta nekokotestai kobit kaimutik eng sector nebo bandeek eng emet kosupkei ak oliet nebo bandeek nemitei ingony ak kaimutik alak.