Court allows detention of 38 KRA staff in tax evasion probe

Tuesday May 14, 2019 Beniee eng Remand kiboitinik 38 chebo kipagengeitab aisurushek nebo Kenya Revenue Authority (KRA) eng kasarta nebo betushek 14 asi komuktechi police kowong chikilishet kotinygei ak lelutik cheterter cheboto kayaptaetab rabinik eng ortinwek chematagunotin ak nekitoret komatkelipan aisurushek.

Koiyan kirwogindet Paul Mayova sometab kebeberta nebo Prosecution nebo komatkitiakta biikchoto ole kongat keker icheget eng kasarta nebo betushek 14 ama betushek 21 kou ole komochei kebeberta nebo Prosecution.

Kongat Justice Mayova keguur kirwogonoto eng tarik 27 arawani ole tetat kinoisechi kapkirwok ole kokoit chikilishet.

Tetat keker biikchoto eng ketesioshekab Police chebo Muthaiga, Kileleshwa ak Gigiri.

Kokinam biikchoto eng tarik 10 arawani eng komaswek chechamkoyoeen poishet chebo Domestic Taxes Department ak Customs Border Control kotinygei ak lelutikchoto.

Akot kou noto ko koibor kaimetabgei ogilyekab biikchoto cheboto Professor Tom Ojienda, Danstun Omari, Mothomi Thiakru ak John Swaka kotinygei ak kakwoutionoto koib kapkirwok kogeer biikchoto eng Remand eng mwaet kole komakonyalu noto.