Fuel prices up again in latest review

Tuesday, May 14, 2019  Tetat kowo barak olyetab mwanik kongete sait 12AM nebo kemboutab betutab rani kosupgei ak olyet nelel nekaibarasta kipakengeit netononchini olyetab mwanik.

Kamwa kipakengeitab Energy and Petroleum Regulatory Authority kole tetat kowo barak olyetab petrol eng silingishek 5.43 eng litreit 1, diesel ko tetat kowo barak eng silingishek 2.24 eng litreit 1, ak mwaitab tait ko tetat kowo barak eng silingisjek 2.40 eng litreit age tugul.

Iboru nito kole eng taonitab Nairobi, ko tetat kealda litreit 1 nebo mwanikab petrol eng silingishek 112, litreit 1 nebo Diesel eng silingishek 104, ak litreit 1 nebo mwaitab tait eng silingishek 104.62.

Kamwa ofisaiyat neo nebo kipakengeitab Energy and Petroleum Regulatory Authority Pavel Oimeke kole kakites olyetab mwanik kosupgei ak nekokowo barak olyetab mwanichatak eng siretab ingony, ak silingitab Kenya nekokobet kimnotet ngekerchin ak Dollar nebo Marekani

Nito ko arawetab 3 ketes olyetab mwanik eng emet ole kipwotyini kele wendi kolonyei olyetab sobet kosupgei ak kokwoutionotok

Tetat kopois olyonotok eng kasarta nebo arawet 1 nemitei tai akoi tarik 14 nebo arawet ne nyonei ole tetat kibarasta olyet age nelel