State to hire 12,000 teachers per year

Tuesday May 14, 2019 Tetei serkali kosir eng poishet konetik chesirei 12,000 eng kenyit age tugul eng kasarta nebo kenyishek 5 eng tokchinetab keisto rerunetab konetik eng emet.

Kosupkei ak arorutiet nebo yaetab poishet anan Strategic Plan nebo kipagengeitab Teachers Service Commission (TSC) nengeten kenyitab 2019-2023,komokchinigei kipagengeitab TSC rabinik Billion 73.7 chekisireen konetikchoto lelach.

Kosupkei ak noto komogotin rabinik cheitei Billion 16.4 eng kenyit age tugul eng kasartab kenyishek 4 ak silingishek Billion 8.1 eng kenyitab 5 eng siretab konetikchoto.

Kosupkei ak kipagengeitab TSC,komitei rerunetab konetik 96,000 eng emoni ole mitei rerunetab konetik 38,054 eng sukulishekab Primary ak konetik 58,291 eng sukulishekab secondary.

Komwa Minister nebo somanet Prof. George Magoha kole yoei kit age tugul serkali kogeer kole kakisir konetik cheyomei missing ko eng kasari chang kipsomaninik chechutei Form One kosupkei ak tetutietab serkali nebo 100% Transition netokchinigei kogeer kole kachut form one kipsomaninik tugul cheyoei KCPE.

Kosupkei ak Magoha,kotesetai serkali ak katabanetab rabinik chekisireen konetik chelelach.