North rift leaders fault gov’t over NPR disarmament

Friday May 24, 2019 – Kakomongei alak eng kandoik kobun kebeberta nebo North Rift ak korirtaen serkali kosupgei ak kokwoutiet nekoib nebo koreben bundukisiek asikarik chebo National Police Reservists (NPR) eng wikit nekosirtoi

Karirtaen kandoikchoto minister nebo ribsetab kalyet eng emet orit Dr. Fred Matiang’i kosupgei ak kokwoutionoto kamwa kole kokoipchi kebar biik cheitei 20 ak keker sukulisiek cheitei 30 eng kebeberwekchoto.

Kamwa kandoikchoto kaboto senator nebo Elgeiyo Marakwet Kipchumba Murkomen  ak gavana nebo Turkana Josphat Nanok kole makiyai ngalalet agetukul asikeibei kokwoutionoto kamwa kole kokoib ngoiyonditab kibokchi mengik kosupgei ak poisiet nekotam koyae asikarikchoto bo NPR.

Kosupgei ak Murkomen ko bendi kotuitos ak president Uhuru Kenyatta eng wikit nenyonei kotinygei ak kokwoutionoto kamwa kole maiyanat.

Kamwa kandoikchoto kole motoreti kiy kokwoutiet nekoib serkali koyokto afisaek cheechen chebo ribsetab kalyet koba North Rift.

Alak eng kebeberwek chekokotestai kobitunen ngemetab kalyet kosupgei ak chorsetab kiagik koboto Baringo, West Pokot, Samburu, Elgeyo Marakwet, Turkana ak Laikipia.