Court extends housing levy delay, again

Monday May 27, 2019 – Kakongat kapkirwok kole kotestai kopois ngatutiet nekoitonon tiletab aisurushekab koriik chebo Housing Levy nebo kebeberta 1.5% akoi tarik 10 arawetab 6.

Nito ko kasarta nebo 2 kotesei kapkirwok kasarta nebo kopois ngatutionoto.

Kokonu tilanatak,komwa kirwogindet nebo kapkirwok nebo Employment and Labour Relations Court Justice Maureen Onyango kole wendi komuktechini noto kekas kirwogutik cheesioi tiletab aisurushekchoto eng kasarta 1.

Kaituiyo Justice Onyango kirwogutik 11 chekikikoito eng kapkirwok koesioi tiletab aisurushekchoto asi kekas tugul eng kasarta agenge.

Kamwa Justice Onyango wendi noto kotoreti komakibet kasarta eng kasetab kirwogutikchoto amu kergeei kirwogutikchoto.

Kiba kapkirwok kipagengeishek cheboto Central Organization of Trade Union (COTU), Trade Union Congress of Kenya, Consumers Federation of Kenya (COFEK) ak Federation of Kenyan Employers (FKE) koesioi tiletab aisurushekchoto bo koriik.

Mochei serkali ketilee kiboitinikab emoni kebeberta 1.5% eng melekwogikwai asi konyor serkali rabinik chekipoisien eng teksetab koriik chebo oliet nemitei ingony.