Justice Martin Muya sues JSC over removal from office

Monday May 27, 2019 – Kakwo kapkirwok kirwogindet nebo High Court Justice Martin Muya koesioi kakwoutiet nekiib kipagengeit netelelchini poishonikab kapkirwok nebo Judicial Service Commission kotonon inendet eng poishet.

Eng Petition nekaikoito eng kapkirwok nebo Milimani kobun ogilionyi Philip Nyachoti, komochei Justice Muya kechomchi kotestai ak poishet akoi kekas ak ketil kirwogonoto kaikoito eng kapkirwok.

Kosupkei ak Justice Muya, komaisub oret nenyalu kipagengeitab JSC yekingotil kole kitonon inendet eng poishet ak kou noto konyalu kitonon kakwoutionoto.

Mwaat kele magas komie Justice Muya kesiit 1 yekingopoisie eng kapkirwok nebo Kericho kobate tesetai kokimiti Justice Muya kole kiyai poishenyi komie.

Kiikoito somet kipagengeitab JSC eng taunetabgei nebo arawani eng President Uhuru Kenyatta kotoi Tribunal newendi kochigili lelutik chekikimwaitae kirwogik 3 cheboto Justice Muya kotinygei ak nemwaat kele maisuldae poishonikwai kou ole magat.