No special treatment for governors, EACC

Wednesday May 29, 2019

Kakomwa kipagengeit neboryen youtik chebo nametab asoya noto ko Ethics and Anti-Corruption Commission kole maikochin ribset neter gavanas chekakinam kotinygei ak youtik chebo nametab asoya.

Kamwa afisayat ne o nebo EACC Twalib Mbarak kole maikochin ribset neter ak biik alak gavanaek anan ko kandoik alak tugul chebo polatet chekakinam kotinygei ak youtikchoto bo nametab asoya

Kabiit ngalaletab Mbarak eng kasarta nekomwa kipagengeitab Council of Governors kole kokotestai kipagengeitnoto bo EACC kotewer gavanaek chekakinam kosupgei ak neinokchin mengatosiekwak ak konam eng taitab familia chechwaget

Eng konegit ko koibokchi EACC mengotetab gavana nebo Kiambu Ferdinand Waititu ak kimut kwo ofisiekab EACC asiketebsen kotinygei ak kakoitoetab tendaisiek chebo rabisiek silling million 588 eng county nenyinet eng oret nematogunot.

Eng inguni ko tesetai EACC kochigili alak eng gavanaek kotinygei aka soya ak imuch kenam akichek eng kasarta nekaiwongei chikilisiet.