Omtata moves to court over new currency notes

Monday June 3, 2019 – Kakwo kapkirwok Okiya Omtatah neborchingei imandab kipkosobei komochei komatkesuldae poishetab notishek chelelach chekolumda President Uhuru Kenyatta kokaibata igortab Madaraka Day eng betutab Jumamos.

Kawo kapkirwok Omtatah eng karonetab rani koesioi notishekchoto lelach eng mwaet kole manomegei ak ngatutikab emoni.

Kosupgei ak Omtata, ko notisiekchoto kokilumda komanomegei ak Katiba nebo emoni  amu tindoi eng batai pichait neiboru itondab President nekitai nebo emoni Mzee Jomo Kenyatta.

Kosupgei ak Omtata ko manyalu eng ngatutik koboor rabinikab emoni togeet anan ko itondo nebo chii age tugul kobate nyalu koboor togeetab emet ak tuguk chetindoi emoni.

Akot kou noto komwa Omtatah kole manyalu eng serkali komwa kole mapoisie notit nelel nebo silingishek 1,000 koitei tarik 1 arawetab 10 eng mwaet manomegei not oak ngatutik.

Eng kasaratak ko kakwo kapkirwok akine MP nebo EALA Simon Mbugua koesioi poishetab notishekchoto lelach eng mwaet kole makitesta biikab emet eng taunetab notishekchoto.