ODM states position on new currency notes

Tuesday June 4, 2019 – Kakomwa kandoindetab chengering eng National Assembly ak kora ko MP nebo Suba South John Mbadi kole ikochini kasubet chamaitab ODM notishek chelelach chekolumda serkali kobun benkit neo nebo Central Bank of Kenya.

Kamwa Mbadi kole maiman logoiywek chekomwa kole koesio ODM notishekchoto lelach eng mwaet kole nyalu kinogunee kasarta nemagat eng biik chetindoi notishek cheoseen chebo elfut 1 kokoito rabinikchatak eng benki asi kikoch notishek chelelach kongete arawetab 10 akoi arawetab 8.

Kongololchini siriikab logoiywek eng koriikab bunge,komwa Mbadi kole akot ingandan ikochini kasubet ODM lumdaetab notishekchoto lelach,ko konyalu eng serkali kosub ngatutik tugul amait kolumda notishekchoto.

Kosupkei ak Mbadi,ko imuch koib terchinet itondab President netai nebo emoni Mzee Jomo Kenyatta nemitei batai nebo notishekchoto lelach kobate nyalu kotestai poishetab notishekchoto eng kasarta nekichobei notishek alak cheu choto chemotindoi itondo nebo chii.