Governor Stephen Sang arrested over tea farm destruction

Monday June 10, 2019

Tesetai ofisaekab DCI kotepseen Governor nebo Nandi Stephen Sang kosupkei ak nekakinam kotinygei ak ngemetab minutikab chaik eng imbaretab Kibware Tea Estate nemwaat kele kikireb.

Kakinam Governor Sang yekangotokchinigei keteshetab Police nebo Kapsabet asi kosir logoiyot kotinygei ak yautionoto kibit eng betutab Friday wikit nekosirtoi.

Kanam ofisaekab DCI Governor Sang komut inendet kwo ofisitab DCI nemitei keteshetab Police nebo Kisumu Central asi kosir logoiyot kotinygei ak kakwoutionoto kiib.

Kapoisie police koristo nengwan nebo teargas koseer kasubiikab Governor Sang chekabotogei tugul.

Iarorwech logoiywekchoto sirindenyo kongete taonitab Kapsabet Cyril Chepsiror.

Eng tai ko kamwa Governor Sang kole mabut ngatutik alak tugul eng tiletab chaikchatak mitei imbaretab Kibware ole kaesio ngalalet kole chengei inendet police kotinygei ak noto.

Kamwa Sang kole tomo konyor ngatutiet age tugul kobun Police ak kou noto komatindoi kaiyweishet age tugul kobate tesetai kosuldoen poishonikchik.

Kongololchini siriikab logoiywek eng sang nebo ofisinyi eng taonitab Kapsabet,komwa Sang kole tesetai serkalinyi ak tetutik chebo kawegunetab imbarenikab poror chekikereb eng County nebo Nandi eng mwaet kole manyoru kamuiset age tugul.