Governor Sang released on bail

 Tuesday June 11, 2019 – Kakotiakta kapkirwok nebo Kisumu Governor nebo Nandi Stephen Sang eng Cash Bail nebo silingishek 500,000.

Kabit nito kosupkei ak nekakirwokchi Governor Sang eng taitab kirwogindet Beryl Omollo kotinygei ak nekoindochi ngemetab minutikab chaik eng imbaretab Kibware Tea Estate nemwaat kele kikireb ole kaesio lelutik tugul 3 chekakimwaitae.

Kaikoito somet Arap Sang eng kapkirwok kobun ogilyekchik komochei kitiakta eng bond ole maesio somonoto kebeberta nebo Prosecution.

Kosupkei ak noto kotil Justice Omollo kegas kirwogonoto eng tarik 19 arawetab 9 kenyini.

Eng tai ko katil Justice Omollo kotestai kirwogetab Governor Sang eng mwaet kole manomegei ngatutiet nekokon kapkirwok nebo Eldoret kole komatkirwokchi Arap Sang ak kirwoget nekakiib kwo tainyi.

Kokinam Governor Stephen Sang eng betutab amut eng taonitab Kapsabet ak kimut kwo keteshetab DCI eng Kisumu asi kosir logoiyot ole koruu keteshetab Police nebo Kisumu Central amait kirwokchi eng betutab rani.