State House intruder hospitalized

Tuesday June 11, 2019 – Tesetai konyoru kanyoiset eng sipitalit Kenyatta eng yuto Nairobi neran agenge nebo kenyisiek 25 nekomwok police kokoten eng koskolengutab amut konkotyem kolany inatutab State House Nairobi kotindoi rotwet.

Kosupgei ak logoiyot kobun ngololindetab State House Kanze Dena ko weroto naat ko Brian Kibet Bera ko kipsomanitab kenyitab 5 eng sukulitab barak nebo Jomo Kenyatta University of Agriculture and Technology(JKUAT)

Kates komwa State House kole kokinam weroto ak kimut kwo ketesietab police nebo Kileleshwa  kotomo kimut konyor kanyoiset eng sipitalitab poror nebo Kenyatta.

Kosupgei ak police ko kotyem kochut State House weroto kopoisen Gate B neribot missing ak yekonkotononsi ine police konem rotwet ak koyach komwok ine police.

Tesetai chikilisiet kotinygei ak youtionoto ole eng kenyitab 2015 ko kinam police kora chi agenge nekichut State House ago kimakingen kit nekimoche koyai ine.