West Pokot// Lack of Security

Monday June 10, 2019 – Kakesom serkali kocheng walutietab kipchulio kotinygei ak yautik chebo ngemetab kalyet chekikotestai kobit eng komaswek cheterter chebo West Pokot ole kikobet biik chechang sobonwek.

Kondochi MCA nekikitoror Grace Rengei,komwa alake eng kandoik kobun County inoto kole manyalu kotestai kobit yautikchoto bo ngemetab kalyet ole kasom serkali koib kakwoutikab chokchinet kokimit ripsetab kalyet eng komaswek tugul chebo County inoto.

Kongololchini siriikab logoiywek eng taonitab Kapenguria,komwa kandoikchoto kole nyalu eng serkali koib kakwoutikab chokchinet koyokto ribiikab kalyet koba County inoto asi kokimit ripsetab kalyet.

Kamwa kandoikchoto kole kikwo let bandaptai eng County nebo West Pokot kosupkei ak yautikchoto bo ngemetab kalyet ak kou noto konyalu kekanapta kalyet asi kobit bandaptai.