CS Prof. Magoha woos KNUT in CBC stalemate

Wednesday June 12, 2019 – Kakokoito kurset minister nebo somanet Prof. George Magoha koityi kipagengeitab konetik nebo KNUT kotii curriculum neleel nebo somanet eng emoni ne naat ko Competence-Based Curriculum (CBC)

Kamwa Magoha kole nyolu eng biik tugul chetesetai koesio curriculum inoto kokon wolutik chewendi kotoreti kotestai curriculum inoto bo somanet ama eng kaimut agetukul eng mwaet kole matoreti kiy koninetabgei.

Kabiit nito eng kasarta nekokotestai kobiit terjinet eng kwenutab KNUT ak ministry nebo somanet kosupgei ak kasuldaetab curriculum inoto bo somanet ole mochei KNUT kiteleel matkisuldaen eng inguni.

Kosupgei ak sirindet ne o nebo KNUT Wilson Sossion komanyolu kechokchi kasuldaetab CBC eng mwaet kole machobot emoni eng inguni kosuldaen curriculum inoto bo 2-6-3-3

Akot kou noto ko kongololi eng kasarta nekoyat tuiyet nebo konetik cheech chebo sukulisiekab sekondari netesetai eng Mombasa kokimit magoha kole makoweksei let serkali eng curriuculum inoto kosupgei ak nekoketoi kisuldaen eng sukulisiekab emoni.