House allowances order for MPs extended

Wednesday June 12, 2019 – Kakotes kapkirwok kasarta nebo ngatutiet neeten kipagengeit neteleljin poisionik eng bunge nebo Parliamentary Service Commission (PSC) komatkolipan Mps rabisiekab gorik anan House allowance cheitei silling  250,000 eng kila arawa

Eng taunetabgei nebo arawani ko kikon kirwokindetab kakirwok John Mativo ngatutionoto kiitelelsi lipanetab rabisiekchoto koityi Mps agoi kekas ak ketil kirwoket nekiikoito kipagengeit neteleljin melekwekab kiboitinikab serkali noto ko SRC nekatetat kekas eng raini

Akot kou noto kowendi kotesetai ngatutionoto agoi tarikit 24 arawani ole tetat kekas kirwokonoot kiikoio SRC koesio kokwoutionoto bo keliponji Mps rabisiekab gorik.

Kikon kateunet SRC kole ankot kotestai keliponji Mps rabisiekchoto ko ibeti emoni rabisiek silling million 99.5 eng kila arawa ak silling billion 1.2 eng kila kenyit.