44th KESSHA conference ends Friday in Mombasa

 

Friday, June 14, 2019 – Itei let eng betutab rani komut kazi tuiyetab konetik cheechen chebo sukulishekab Secondary

Tetat koker tuiyonotok bo Kenya Secondary Schools Heads Association Principal Secretary eng ministry nebo somanet Dr. Belio Kipsang eng Kenya School of Revenue Administration nemitei komasta nebo Nyali eng taonitab Mombasa

Kotoigei tuiyonotok eng betutab Jumatatu ole kokimuch kengalale tetutyet nebo taunetab curriculum nelel eng sukulishek ne naat kou Competence-Based Curriculum ak maketab keker kele kachut sukulishekab secondary kipsomaninik tugul cheyoei tyemutikab KCPE

Kokotestai koityi terchinoshek tetutyet nebo taunetab curriculum nelel eng sukulishekab emoni ole kokotestai komwa kipakengeitab konetik nebo Kenya National Union of Teachers kole maiyanat oret nepoishe serkali eng kasuldaetab tetutionotok

Kongololi eng tuiyonotok bo konetik cheechen nekata sirindet neo Wilson Sossion, ko komwa rubeiwotab nebo ngecheret eng kipakengeinatak bo KNUT Collins Oyuu kole tomo koib kokwoutik alak tugul Ministry nebo somanet koker kole kachobokis konetik ak sukulishek kotoi kokoito curriculum inotok lel

Akot kou notok ko komwa Oyoo kole chobot kipakengeinatak bo KNUT koyai ngalalet ak Ministry nebo somanet asikocheng wolutik kotinygei ak oret ne nyolu kepoishe eng kasuldaetab tetutionotok bo curriculum nelel

Ends////