DR Congo applies for admission to East African Community

Friday, June 14, 2019 – Mochei emetab Democratic Republic of Congo kochut kotuiyetabgei nebo emotinwekab Africa kongasis ne naat kou East African Community

Kosupgei ak barwetab somet nekasir President nebo emonotok Felix Tshisekedi koityi President nebo emetab Rwanda Paul Kagame ne inendet ko nebo ngecheret eng EAC, komochei emonotok kechomchi kochut kipakengeinatak asikotoret eng kanaptaetab tilyandit ak bandaptai eng kwenunyi ak emotinwek alak 6 chemitei eng East African Community

Kamwa Tshisekedi kole mi barak mungaret eng kwenutab emonotok ak emotinwek chechang chebo EAC cheboto Kenya, Tanzania, Uganda, Rwanda, Burundi ak South Sudan ak kou notok kosomei kechomchi kochut kipakengeinatak

Kates komwa kandoindenotok bo DRC kole mochei kora kotuiyogei ak kandoik alak chebo East African Community eng ibunetab kalyet eng kongasis nebo Africa

Kongete ngelewen koek President nebo emonotok eng arawek 3 chekikosirto, ko kikorutochi inendet emotinwek cheboto Kenya, Rwanda ak Uganda kochengei tilyandit ole eng inguni komitei emetab Tanzania eng rutoito nebo betushek 2

Ends/////