Garissa attackers to know fate today

June 19, 2019 – Konu tilet eng raini kapkirwok nebo Milimani kotinygei ak biik 4 chekikimwaitaen kabokchinet nebo sukulitab barak nebo Garissa University nekiisuldaen chelesosiek ak kobar kipsomaninik cheitei 148 eng kenyitab 2015.

Wendi kokonu tilanoto kirwokindet nebo kapkirwok nebo Milimani Chief Magistrate Francis Andayi kosupgei ak nekikikochi biikchoto poroindo nebo kotergei kokaibata kasetab baornatet nekiikoito baorinik 22.

Kitil kapkirwok kole tindoi biikchoto kesit nenyolu kowol ole biikchoto kikimwaitaen kabokchinonoto koboto Mohamed Ali Abdikar, Hassan Aden Hassan, Sahal Diriye ak Rashid Charles Mberesero

Akot kou noto ko kiityakta kapkirwok Osman Abdi Dagane neki ribindetab sukulitnoto eng mwaet kole mamitei baornatet neyamat neiboru kole kiboto inendet kabokchinonoto.

Kikinam  Dagane eng sukulitnoto kobire pichainik kokaibata kabokchinonoto.