Jubilee politics

Wednesday June 26, 2019 – Tesetai alak eng kandoikab chamaitab Jubilee kokoito kurset eng sirindet ne o nebo chamaitab Jubilee Rapahel Tuju koistogei eng poishet kosupgei ak koimutik cheterter chekokotestai koityi chamaitnoto bo Jubilee.

Kamwa Mp nebo Kapseret Oscar Sudi nekangololi eng tetutietab Leen Ne Emet kole maweksei let kandoikab Jubilee agoi koistogei Tuju eng poroinoto.

Akot kou noto ko kaikoito kateunet Sudi eng kandoikab Jubilee chekokokon kamuiset koteleel rabisiek chekitilen ichek chebo chama kole matkosuldaen noto eng mwaet kole magetab alak eng kandoik chemitei eng chamaitnoto ko kobutok chamaitab Jubilee.

Eng kasarata ko kamwa Sudi kole koimutikchoto tesetai koityin chamaitab Jubilee kotinyegei ak polatetab 2022 ole mochei alak eng kandoik chemitei eng serkali kokerchi sang Ruto eng lewenisietab 2022.

Kabiit nito eng kasarta nekokokoito kurset alak eng kandoikab chamaitnoto bo Jubilee eng president Uhuru Kenyatta kokur tuiyetab chamaitab Jubilee anan parliamentary Group Meeting asikobiit keisto terjinosikchoto kokotestai kobiit eng kwenutab kandoik.