Tesetai serkali koesioi tiletab ketiik

Kakotes serkali eng kasartab kenyit agenge ngatutiet neesio tiletab ketik eng timwekab serkali nekatetat koit let eng tarikit 24 arawanito bo 11.

Eng logoiyot kobun minister nebo ribsetab itonwekab emet Keriako Tobiko ko kitou kora timit neituitos kipagengeisiek cheterter asikoyai chikilisiet kotinygei ak ole eng inguni timwekab serkali kongeten kopois ngatutionoto ak tetat komong report nenyin eng kasartab arawek 4 chemitei tai.

Kikon serkali ngatutiet nebo komataketil ketik eng timwekab serkali eng arawetab 2 kenyitab 2018 kosupgei ak nekirankotestai kobit ngemisiet neo nebo timwek ak kokon ngoiyondit nebo kowechok itonwkab emet missing ko che kondametusiekab beek.

Borchingei serkali koker kole koityi kebeberta nebo 10% nebo ketik chekolotin koitei kenyitab 2022 ole eng inguni ko kolotin ketik kebeberta nebo 7.2% kosupgei ak ministry nebo ribsetab itonwekab emet.