Kokilumda eng amut Building Bridges Initiative (BBI)

Kakilumda eng betutab rani Report nebo Building Bridges Initiative (BBI) nekotaach President Uhuru Kenyatta ak Raila Odinga eng betutab Tuesday.

Kakilumda Report inoto eng igorta nekatestai eng kotab tuiyoshek chebo Bomas of Kenya ole kamitei kandoiik cheechen kondochin President Kenyatta, Deputy President William Ruto ak Raila Odinga koboto toek alak.

Kongololi eng igoratak, kosom President Kenyatta kobit ngalalet nekaran kotinygei ak Report inoto amu tokchinigei koib kelchin eng biik tugul chebo emoni.

Kasom President Kenyatta biikab emoni kosoman komie ak koguiyo Report inoto ak kokon kerenywai amait keyai tuiyet neo nekingololen Report inoto eng arawet netai kenyit nenyonei ole kasom biikab emet kotuiyogei koek akenge akoistoegei terchinosiek asikonyor aketugul imandanyi eng emoni.

Kaiaror President Uhuru Kenyatta historia nebo tokchinet neya nekikakoip emoni ak pororiondit nekikakoip tumndaetap korotiik ak suryosiek cheechen missing koit kotil kotuiyo ak Raila Odinga kocheng koschinet neimuch koweek kalyet ak tilyandit nemie.

Kaiaror neki PM Raila Odinga panda nekibun kotkoitchi koiyonchin konde taban terchinosiekwak ak kokatgei eng koschinetap konde taai pororiet.

Kaiaror Raila kotinygei ak kamanutietap wolutik chenyolu kisuldae eng nekaikimit kole egu borotet eng biikap emoni ama chichak.

Eng komastanyi komwa DP William Ruto kole bo kamanut BBI amu tokchinigei kogeer kole kakituiyo biikap emeoni ak kikoch boroinwek chekergei komami kalotunet aketugul.

Kamwa Ruto kole nyalu kesoman ak kikuiyo report inotok asikekoschinechi eng kibakenge eng pandaptai nebo biikap emoni.