Magat kekochi konetik konetishet akobo CBC

Kakokimit kipakengeitab konetik nebo KNUT kole mosuldoi curriculum nelel nebo somanet ne naat kou Competency Based Curriculum angot komakikochi konetik konetishet neyomei kotinygei ak mogutik chebo curriculum inotok.

Kamwa sirindet neo nebo kipakengeitab KNUT Wilson Sossion kole isuldoe serkali curriculum inotok eng oret nebo chokchinet komaisub ortinwek tugul chemokotin eng mwaet kole manyor konetikab emoni konetishet neititaat kotinygei ak CBC.

Kongololi eng tuiyetab konetik cheechen chebo sukulishekab primary nekatoigei eng taonitab Mombasa, ko kamwa Sossion kole moeshoi icheget curriculum inotok lel kobate tesetai kosimchini serkali koker kole kakisuldae eng oret ne nyolu.

Kosupgei ak Sossion, ko nyolu eng Ministry nebo somanet koiityi komonut keret nebo stakeholders cheterter chebo somanet asikomuch kosulda curriculum inotok kisuldoe eng Grade 4 kongete kenyit ne nyonei