Manyolu eng kiboitinikab serikali koib terjinet eng Serikali – DP Ruto

Kakomwa Deputy President William Ruto kole manyolu eng kiboitinikab serkali koiyan kepoisie keib terjinet eng kwenutab biikab emet.

Eng ngalalet nekotok kotokchinigei Minister nebo ribetab kalyet eng emet orit Dr. Fred Matiangi, ko komwochi Ruto afisaekchoto bo serkali koistoegei oret nebo kalotunet eng kasuldaetab poisionikwai.

Kabiit ngalaletab Ruto eng kasarta nekokotestai alak eng kandoik cheikochini inendet kasubet korirtaen minister nebo ribsetab kalyet eng emet orit Dr. Fred Matiang’i eng mwaet kole moisuldoen boisienyin kou ole magat.

Eng betutab komut kazi, ko kikon Matiang’i ngalalet nebo neregek eng kandoik chekokotestai korirtaen inendet ak sirindet neo eng ministry nebo ribsetab kalyet Karanja Kibicho kole poisien ministrinoto bo ribsetab kalyet eng oret nemaititaat.