Kokitepsee Governor nebo Bomet Dr. Hilary Barchok eng Senate

Kokitepsee eng kasarta netai Governor nebo Bomet Dr. Hilary Barchok kotinygei ak poishetab rabinik eng serkalitab County nebo Bomet.

Koitita Barchok taitab Committee nebo County Public Accounts and Investments Committee eng bunge nebo Senate asi ketepsee kotinygei ak rabinik Million 939 chemwaat kele kikipoisie eng oret neya.

Konyor kasarta newui Barchok yekangowolu tebutik kobun membaekab Committee inoto kotinygei rabinik Million 9.9 chekikipoisie eng aletab ngecherok ak tuguk alak chebo office ole kosupkei ak Senate komitei barak missing rabinikchatak.

Kosupkei ak Committee inoto indochin Senator nebo Homa Bay Moses Kajwang,komaikoch County nebo Bomet Auditor General kartasishek chemokotin cheiboru ole kikipoisheito rabinik Million 939 chebo serkalitab Bomet.

Kibit tebutik eng kenyit nebo poishetab rabinikab serkali nebo 2017-2018 ole kipoisie County nebo Bomet silingishek 755,000 eng aletab Deskit nebo ofisitab Governor ole kakiguur Barchok kwo taitab Senate asi ketepsee.

Kosupkei ak noto kokoito kurset Kajwang eng kipagengeitab EACC kochigil ole kipoisieto serkalitab Bomet rabinik Million 9.9 eng aletab ngecherookab office ak rabinik Million 939 chemakingen angotkokikipoisie eng oret nenyalu asi kenai imanda.