Kokoit biik 10 chekoibet sobet ent Tassia

Kakolany koit 10 koitetab biik chekoibet sobonwekwai eng nyasutiet nekobutok kot nebo gorofeshek 6 eng mengotetab Tassia Estate eng Embakasi, County nebo Nairobi.

Kalany koitonoto kosupkei ak nekakinyor borwek alak 3 eng koskolingutab rani.

Kakisor kora chi 1 ole kaipchi noto koit 36 biik chekokesor akoi inguni.

Tesetai kipagengeishekab sarunet cheboto asikarikab Kenya Defence Forces (KDF) ak kipagengeitab toretoshek nebo Red Cross koistoi kebeberwekab koyoto eng tokchinetab kesor biik cheimuchi komitei orit ak borwek chebo icheek chekoibet sobonwek.

Kosupkei ak kipagengeitab Kenya Red Cross, kobetiotin biik 7 chekiyoni kele imuch kokerotin eng kebeberwekab koyoto kobutok eng betutab Friday.