Mochei council of governors keguur emergency summit

Mochei kipagengeitab Council of Governors President Uhuru Kenyatta koguur tuiyet nemobo kotugul anan Emergency Summit asi kengalale kaimutietab kandoinatet eng serkalitab County nebo Nairobi kosupkei ak nametab Governor County inoto Mike Sonko kotinygei ak lelutik chebo nametab asoya.

Eng logoiyot nekakiyokchi koriik chebo letaetab logoiywek, komwa nebo ngecheret eng kipagengeinatak akora ko Governor nebo Kakamega Wycliffe Oparanya kole tesetai kipagengeitab CoG kochigili ole u kandoinatet eng serkalitab County nebo Nairobi, missing ko amu matindoi County inoto Deputy Governor neimuchi kokweri serkalit angotkengat Sonko kotebee sang nebo office.

Kokinam Sonko eng betutab Friday kosupkei ak ngatutiet kobun Director nebo kirwogutikab poror Noordin Haji ole kokinomchi kebeberta nebo Voi ak kimuut konyor Nairobi.

Kabit nito eng kasarta nekomwa Sonko kole chobot koteergei eng kapkirwok eng mwaet kole lelutik chekokimwaitae komatindoi imanda age tugul.