Nyalu eng kandoik kola milengwai ichegei

Kakomwa President Uhuru Kenyatta kole nyalu eng kandoik ak ofisaek alak chebo serkali chetinyegei aka soya kochobokis kolaa milengwai ichegei.

Kongololi eng sautikab Jumapili eng kanisetab St. Francis of Assis Parish Church eng Ruiru, Kiambu County,komwa President Kenyatta kole makinyochini gaat chi age tugul netinyegei ak asoya.

Kamwa kandoindetab emet kole manyalu ketesta polotet poriet nekitokchini asoya eng mwaet kole tindoi magetab kiit let kaimutionoto.

Akot kou noto komwa President Kenyatta kole kisubi ngatutik eng karwokchinetab biik chetinyegei ak asoya asi makingem imandanywai ole kasom biikab emet kotoret serkali eng katerteretab asoya.

Kakon ngalalenyi Kenyatta eng kasarta nekokiman Governor nebo Nairobi Mike Sonko kotinygei ak asoya nebo silingishek Million 357 ole kerat eng Remand kogeni kiit kapkirwok asi kirwokchi eng betutab mutai Jumatatu.