Kakekon kurseet eng bikaab emet komengis eng kalyet

Kakikoito kurset eng bikab emet komengis eng kalyet ak koistoegei terchinoshek ak ngololutik alak tugul che imuchi kokon koimutik eng emet.

Kamwa Minister nebo ribetab kalyet eng emet orit Dr. Fred Matiangi kole mitei demokrasia neo emoni ak kou notok ko nyolu eng bikab emet komuitochi bik chetinyei keret neter, missing ko kotinygei ak bolotet.

Kongololi eng Harambee House yekangoyai tuiyet ak Commissioners che lelach chebo kipakengeitab kochomyetab bik nebo National Commission for Integration and Cohesion kondochini nebo ngecheret Rev. Samwel Kobia, ko kamwa Matiangi kole makat kekonyit imanda netinyei katyaknatet chi age tugul nebo emoni kokon kerenyi anan kokochi kasubet kebeberta age tugul nebo bolotet.

Kosupgei ak notok, ko kamwa Matiangi kole makonyolu kebaoryonchi youtik chebo ngemetab kalyet kotinygei ak terchinoshek chebo bolotet.

Kapoishe kasaratak Matiangi komwa kole wendi serkali kokochini toretet.

kipakengeinatak bo NCIC eng boryet nekitokchini youtik chebo letaetab logoiwek chebo sosishet che imuchi koib chemarget eng emet