Kateunet koityi kiprutoinik

Kakomwa Inspector General nebo Police Hillary Mutyambai kole kinomei ak keipchi kokwoutik chekimen kiprutoinik chekinyoru kolonyei karishek chenyitotin anan excess passengers.

Kamwa Mutyambai kole kaketoi kesuldae ngotutionotok kongete betutab rani eng mwaet kole kakongat police chebo traffic konam kiprutoinik chemotinyei ngecherok eng karishek chebo PSV.

Kongololchini sirikab logoiwek yekangoyai tuiyet ak ofisaek cheechen chebo kipakengeitab NTSA eng taonitab Nairobi, ko kamwa Mutyambai kole tokchinigei kokwoutionotok kiterter nyosutik chebitu kosupgei ak karishek cheimuti kiprutoinik chechang missing kosir koitet ne makat.

Kapoishe kasaratak Mutyambai kokoito kurset eng ketik tugul chebo karishek koker kole kaisub ngotutikab oret eng kasari bo igorwek cheterter asikekirinda nyosutik che imuchi kokon kobetetab sobonwek.

Kates komwa Mutyambai kole chobotin police kokirinda youtik alak tugul chebo ngemetab kalyet ole kasom bikab emet kopois eng kipakenge ak ribikab kalyet asikiterter youtik chemoiyonotin cheboto chelesosnotet ak butetab korik.