Kakokoito kurset Senator James Orengo Keyai Referendum Kenyini

Kakokoito kurset kandoindetab cheng’ering eng bunge nebo Senate ak kora ko Senator nebo Siaya James Orengo koiyi President Uhuru Kenyatta konde poishonik che kokitesyi kipagengeitab Building Bridges Initiative kasetiab serkali, Kenya Gazette asikomugak keyai Referendum koitei kagesunetabgei nebo arawetab lo kenyini.

Kamwa Orengo kole nyalu keyai Referendum eng kenyini asikeyai waleet ne magat eng Katiba nebo emoni.

Akot kou noto komwa kandoindetab chechang eng Senate Kipchumba Murkomen kole maimugaksei keyai Referendum eng kenyini kou ole mochei kandoik alake.

Kaipchi noto kobit tebutiet kotinygei ak angot konyalu keyai referendum anan kepoisie oret nebo bunge keyochi waleet Katiba kou eng kaarorutikab ripot nebo BBI.

Eng komastanyi komwa Senator nebo Kisii Prof Sam Ongeri kole matokchinigei waletab Katiba kechengchi poroinwek kandoik alak kobate koib katuiyetabgei nebo biik tugul chebo emoni.